A Ponte de Gatín

Pontes de Gatín. Becerreá (Lugo)

En Pontes de Gatín, lugar que serve de porta de acceso aos Ancares, existe unha fermosa, aínda que sinxela, ponte medieval. Eis a lenda que testemuña a orixe da ponte e máis o nome da aldea:

A unha muller preñada aparéceselle o demo en forma de gato, construíndolle unha ponte para que poida pasar con comodidade o río. Outra liña da lenda especifica que os viciños lle mandaron ó diabo que lles construíse unha ponte, solicitando aquel en troca unha vida. Sabendo o demo que naquel momento unha muller está en estado de xestación avanzadísima e a piques de parir, impón a condición de que, unha vez constrúa a ponte, os viciños haberán de entregarlle o primeiro ser que naza no lugar. Os viciños aceptan o pacto e o diabo, con efecto, constrúe a ponte.

Sen embargo acontece que unha gata está tamén a parir e faino antes que a muller. Os viciños aceptan o trato co diabo porque sospeitan a posibilidade de que sexa a gata quen primeiro teña descendencia. A viciñanza faille entrega ó Escuro do gatiño ("gatín" na forma dialectal da zona), recén nado, co cal conseguen burla-lo.

A muller ó principio resistiuse dicindo que non podía ser, que non ligaba nin formaba masa; pero á fin, fíxoo. A Virxe entón dixo

— Próbea, señora: é tan certo que é torta cocida de trigo como que a cidade de Boedo está asolagada: por culpa dun malo, Deus destrúe unha cidade.

Dise que dende entón se escoitan campás e un ruido que foi esconxurado por un cura; pero aínda hai un sitio ó que lle chaman o "Pozo da Campá".

VAQUEIRO, Vitor. Guía da Galiza Máxica